Banda de Gaites La Raitana
¡Visítanos tamién en Myspace!
HESTORIA DE LA BANDA DE GAITES LA RAITANA
Fundación de La Raitana
La Banda de Gaites “La Raitana” fórmase pente los escolinos de los cursos de gaita y percusión tradicional de les Escueles Municipales de Música de Nava y Piloña (Asturies).
Los mayestros de gaita son Jordi F. Boltá en Piloña y Flavio R. Benito en Nava. No tocante a la percusión, los Mayestros nesi tiempu yeren Pablo Pumarada en Piloña y Javier Tejedor en Nava. El direutor fundador de "La Raitana" foi Flavio R. Benito, quien llideró la formación dende los sos anicios hasta l'añu 2009.
Esta banda, que ficiere la so presentación oficial na primavera de 1998, compónenla una ventena de persones con edaes qu'arrodien pente los 15 y los 35 años.
La Banda de Gaites “La Raitana” vístese con traxes tradicionales asturianos, reproducíos de grabaos del sieglu XIX y trabayaos con materies naturales. El so repertoriu remanez de la música tradicional asturiana, amestando nel so trabayu igües de perconocíos músicos asturianos, como son Antolin de la Fuente, Jesús A. Arévalo, Jorge Méndez, Javier Tejedor o Emilio Huerta, asina como les composiciones ya arranchos del so direutor Flavio R. Benito.
Los instrumentos usaos pola banda, son enfotaos a los artesanos de más prestixu del Principáu, porfiando, como nun pudiere ser d'otra manera, polos instrumentos de mayor calidá fechos nel país.
Semeya de La Raitana en L'Infiestu, 1999
La Raitana Anguaño
Actualmente la banda sigue formada por una ventena de persones; foron munches les que marcharon, pero tamién apaeció xente nuevo, con ganes de trabayar, apurriendo nueves aportaciones.
Anguaño la banda ta dirixía por Jordi F. Boltá. Na dirección de percusión aporta a finales de 2008 el percusionista asturianu Arsenio Ruíz González (BB.GG. "Llariegu", "Noega", "Camín de Fierro", Bandina "La Curuxa").
La agrupación fai a lo llargo'l cursu cuatro ensayos xenerales al mes, qu'alternen el so desendolque los vienres ente Nava y L’Infiestu. Asina mesmo, la seición de percusión fai otru ensayu selmanal.
Instrumentos
“La Raitana” emplega gaites asturianes d'un roncón afinaes en Do, feches pol prestixosu constructor xixonés Alberto Fernández Velasco. Les maderes utilizaes pa fabricar les gaites son el buxu y l'ébanu.
A entamos de 2009, amplióse la sección de percusión de la banda, alquiriéndose caxes d'alta tensión y tambores tenores "Pearl", amás d'un bombu "Premier Hosbilt", col envís d'aumentar les posibilidaes téuniques del cuerpu de percusión.
Sobre esa base d'instrumentos “La Raitana” trata d´afitar una propuesta musical bayurosa nos sos trabayos discográficos, basada na composición y reellaboración de música tradicional asturiana ya inxertando nel acompañamientu de la banda instrumentos como pueden ser guitarres, bouzoukis, baxu, percusiones étniques, llatines, batería o seiciones de vientu, cola intención d'ufiertar un espectáculu ricu y variáu que se salga de lo qu'habitualmente s'entiende por una banda de gaites.
Semeya de La Raitana en La Pesanca, L'Infiestu, 2010
Indumentaria
“La Raitana” optó dende la so fundación pol emplegu de traxes tradicionales asturianos (sieglos XVIII – XIX), como la mayoría d'agrupaciones d'esti calter.
A finales del añu 2002 cambiáronse los traxes por unos nuevos “de gala”, de collor prietu y encarnáu. El de les moces ye una reproducción d'una semeya d´entamos del sieglu XX, recoyía nel conceyu de Piloña de les fotografíes que fixera Modesto Montoto, y el de los mozos, d'un diseñu basáu nos traxes d'época.
Tamién se camudaron los traxes de les gaites polos mesmos colores, y diseñóse una bandera cola raitana que representa l´agrupación.
Dende 2010, la banda opta por sustituyir el traxe tradicional asturianu por una indumentaria de mayor comodidá pa los músicos, siempre calteniendo la uniformidá y les señes d'identidá de l´agrupación.
¡Las imágenes de la galería necesitan por lo menos la versión de Flash 9.0.28!
Instala la versión más reciente de FlashPlayer.
Imprimir