HESTORIA DE LA RAITANA

(NAVA / PILOÑA)

ASTURIES

La Banda de Gaites “La Raitana” formárase p'ente los escolinos de los cursos de gaita y percusión tradicional de les Escueles Municipales de Música de Nava y Piloña (Asturies). Los mayestros de los cursos de gaita son: en Piloña Jordi Fernández, y en Nava Flavio R. Benito. Los mayestros de percusión son: Pablo Pumarada en Piloña y Javier Tejedor en Nava. El direutor de la Banda de Gaites La Raitana ye Flavio R. Benito.

Esta banda, que ficiere la so presentación oficial na primavera de 1998, compónenla una veintena de persones con edaes qu'arrodien p'ente los 12 y los 35 años.

La agrupación fai a lo llargo'l cursu cincu ensayos mensuales xenerales qu'alternen el so desendolque, en Nava los vienres y los sábados en L’Infiestu.

La Banda de Gaites La Raitana, vistese con traxes tradicionales asturianos, reproducios de grabaos del sieglu XIX y trabayaos con materies naturales,  el so repertoriu ta basau na música tradicional asturiana, amestando nel so trabayu igües de perconocios músicos asturianos como Antolin de la Fuente, Jesús A. Arévalo, Jorge Méndez, Javier Tejedor, asina comu les composiciones ya igües del so direutor Flavio R. Benito.

Los instrumentos usaos per la banda, son enfotaos a los artesanos de mas prestixu del Principau, porfiando, como nun pudiere ser de otra manera, pelos instrumentos de mayor calidá fechos nel país.

ACTUALIDÁ

Actualmente, en febreru de 2005, la banda sigue formada por una ventena de persones, foron munches les que marcharon, pero tamién apaeció xente nueva, con ganes de trabayar, apurriendo nueves idees.

Agora la banda está codirixía por Flavio R. Benito y Jordi Fernández, puesto qu'esti últimu fizo un trabayu comparable al de Flavio, con composiciones propies ya igües d’otros temes. Na percusión siguen Pablo Pumarada y Javier Tejedor, anque tamién tien un papel destacáu Juan José Díaz.

Cambiaronse los traxes por unos nuevos “de gala”, de collor negro y granate, el de les moces copiau d'una semeya de principios de sieglu XX recoyía nel conceyu de Piloña de les fotografíes que fixera Modesto Montoto y el de los mozos d'un diseñu basáu nos traxes d'época. Tamién se cambiaron los traxes de les gaites y los aros de los tambores polos mismos colores, y diseñose una bandera cola raitana que representa la banda.

LA RAITANA AL TRAVIÉS DE LOS AÑOS

2003