Banda de Gaites La Raitana
28 payares 2008
PRÓXIMES ACTUACIONES DE LA RAITANA. La banda de gaites nel mes d'avientu tien les siguientes actuaciones:
-
Del vienres 5 al llunes 8 d'avientu Feria d'Artesanía y Gastronomía de Marinha Grande - PORTUGAL. Al igual qu'el añu pasáu, La Raitana viaxará hasta tierres portugueses pa participar n'esta feria xunto col grupu de percusión de la misma ciudá "Tocandar". Afiácense una vez más les excelentes relaciones d'amistá existentes ente les dos formaciones musicales. La principal actuación será el domingu 7 d'avientu a les 8 de la tarde, na que les dos bandes interpretarán distintos temas y tamién fadrán algún tema en conxuntu.
-
Sábadu 13 d'avientu XIV MEMORIAL ANGEL ALVAREZ "CLIPER". El encuentru de deportes tradicionales (Asturies- Euskadi) tendrá llugar nel Polideportivu de Sariego a les 5 de la tarde. Esti ye'l programa previstu:
- Desfile de participantes
- Actuación de la Banda de Gaites "La Raitana"
- Corta de troncos con tronzón y castillete
- Exhibición de barrenadores
- Carrera de llecheres (intentu de record d'Asturies)
- Corta de troncos con hachu por pareyes
- Xuegos de Iparralde (yunque, fardu, etc.)
- Entrega de trofeos
- Actuación de la Banda de Gaites "La Raitana"
La Raitana lleva participando n'esti memorial dende l'añu 2000. Esti ye un videu del añu pasau:
12 setiembre 2008
PRÓXIMES ACTUACIONES DE LA RAITANA. La banda de gaites nos próximos meses de setiembre y ochobre tien les siguientes actuaciones:
-
Domingu 21 de setiembre Fiestes del Cristo de Coya (Piloña)
-
Domingu 28 de setiembre Alderdi Eguna en Vitoria/Gasteiz
-
Domingu 5 d'ochobre XXXVII Festival de L'Ablana de L'Infiestu, pela mañana
19 agostu 2008
ACTUACIONES AGOSTU. Les próximes actuaciones de La Raitana son:
-
Sábadu 23 d'agostu Fiestes de Llames de Parres
-
Domingu 24 d'agostu Fiestes de San Bartolomé en Nava
16 xunetu 2008
LA RAITANA EN TEROR (GRAN CANARIAS). Desde mañana y hasta'l 21 de xunetu, la Banda de Gaites La Raitana va pasar unos días en Teror (Gran Canarias) xunto con una delegación del Municipiu de Nava invitaos polos vecinos del mismu pueblu, hermanaos con Nava.
La Raitana participará en delles receiciones, conciertos y pasacáis pola villa y los pueblos vecinos, faciendo una amuesa de los traxes tradicionales d'Asturies y pieces musicales del más variau folklor asturianu.
15 xunetu 2008
XXXI FESTIVAL DE LA SIDRA DE NAVA. El pasáu sábadu 12 de xunetu La Raitana fizo un pasacáis pola villa de Nava nel Festival de la Sidra.
Esti añu los soníos de les gaites fusionáronse col tronar del grupu de percusionistas Tocandar, procedente de Portugal, que amenizó la espera na plaza del ayuntamientu enantes de la llectura del pregón. Les dos agrupaciones, Tocandar y La Raitana, tan hermanaes dende l'añu 2002.
Vídeu de Tocandar y La Raitana nel Festival de la Sidra
Tocandar na plaza del ayuntamientu de
Nava
25 xunu 2008
SAN XUAN EN NAVA. El pasáu llunes 23 de xunu La Raitana participó nel desfile de San Xuan de Nava.
23 mayu 2008
ENTREGA DE LOS PREMIOS DE LA SIDRA. La Fundación de la Sidra entregará el vienres 23 de mayu, a les siete y media de la tarde, na sede social del Muséu de Nava, a los ganadores del concursu internacional que promueve esta agrupación. La Banda de Gaites La Raitana amenizará l'actu.
19 mayu 2008
CONCURSU Y AMUESA DE FOLCLOR “CIUDÁ D´UVIÉU”. La Banda de Gaites La Raitana participó el pasáu domingu 18 de mayu na tercera xornada de la fase final del XVI Concursu y Amuesa de Folclor "Ciudá d'Uviéu", xunto col xoven gaiteru (que tamién forma parte de La Raitana) y cantante de tonada Rodrigo Fernández Joglar (de Posada de Llanera) na modalidá d'Anovación de la Tonada. Interpretose la canción “Lleenda urbana” tradicional asturiana, con igües de Alfonso Vega y Rodrigo Joglar, lletra de Xandru Martino Ruz. Además participaron los siguientes músicos:
Rodrigo F. Joglar: Voz.
Daniel Álvarez Mora: Uilleann pipe (gaita irlandesa).
Andrés García: Guitarra elléctrica.
Alfonso Vega: Baxu elléctricu.
Adrián López: Batería.
La lleenda urbana
N’aportando a El Negrón
arremello bien los güeyos
pa llevar nel corazón
una semeya del Puertu.
(pie)
Yá dexo la patria
¿Cuándo tornaré?
cola señardá
nun voi a ser quien.
Porque en saliendo d’Asturies
siento un vacíu nel cuerpu,
que dexo atrás la mio casa
y nella, los que más quiero.
(pie)
Yá dexo la patria
¿Cuándo tornaré?
cola señardá
nun voi a ser quien.
Xandru Martino Ruz
Podéis ver les semeyes en grande calcando encima d'elles.
20 xineru 2008
NUEVES SEMEYES PAL 2008. Aprovechando la entrada del nueu añu subimos a la nuesa web delles semeyes del XXX Festival de La Sidra de Nava y del XI Festival de Bandes de Gaites Villa de Candás, dos festivales nos que La Raitana participó el pasau branu. Tamién podéis ver la tira cómica qu'el dibuxante Neto fízonos pal calendariu del 2008. Esperamos que vos presten les semeyes.
2007
3 avientu 2007
LA RAITANA Y TOCANDAR. La actuación de La Raitana en Marinha Grande fue tou un éxitu. Podéis comprobalo nel siguiente enllace, onde toparéis un videu de la Banda de Gaites La Raitana y Tocandar na Feria d'Artesanía y Gastronomía d'esta ciudá:
Vídeu de La Raitana y Tocandar en Portugal
La próxima actuación de La Raitana, ya en tierres asturianes, será el próximu sábadu 15 d'avientu na celebración del XIII Memorial Cliper qu'organiza l'asociación Seis Conceyos a les 5 la tardi nel Frontón de Villaviciosa. Trátase d'un alcuentru de deportes tradicionales nel que participará una delegación vasca y otra asturiana.
25 payares 2007
LA RAITANA EN PORTUGAL. El próximu fin de selmana, los díes 1 y 2 d'avientu, la Banda de Gaites La Raitana va viaxar hasta Marinha Grande (Portugal) xunto con una delegación de la Cámara Municipal de Nava invitaos pol grupu de percusión de la misma ciudá "Tocandar". Esta visita afianza les excelentes relaciones d'amistá existentes ente les dos formaciones musicales y ente los sus respectivos direutores artísticos.
Les dos formaciones artístiques (La Raitana y Tocandar) realizarán un espectáculu na Feria d'Artesanía y Gastronomía de Marinha Grande (Parque Municipal d'Exposiciones) el día 1 d'avientu a les 22 hores. Les dos bandes interpretarán distintos temas y tamién está previsto algún tema en conxuntu coles dos bandes, a les cuales xuntaranse músicos convidaos pa interpretar dalgunos temas.
Los visitantes de la Feria están convidaos a asistir a un espectáculu diferente, cargáu d'emociones celtes ya ibériques.
28 setiembre 2007
PRÓXIMES ACTUACIONES DE LA RAITANA. La banda de gaites nos próximos meses de setiembre y ochobre tien les siguientes actuaciones:
-
Domingu 30 de setiembre Alderdi Eguna en Vitoria/Gasteiz.
-
Sábadu 6 d'ochobre V Festival de Música Tradicional Xácara a les 19 h nel Teatru Filarmónica d'Uviéu. Participan los siguientes grupos:
- Banda de Gaites La Raitana
- Bandina La Curuxa
- Banda de Gaites Conceyu de Siero
- Héctor Braga
- Banda Gaites Xácara -
Domingu 7 d'ochobre XXXVI Festival de L'Ablana de L'Infiestu, pela mañana.
22 agostu 2007
NUEVES ACTUACIONES. Les próximes actuaciones de La Raitana son:
-
Sábadu 25 d'agostu Fiestes de Llames de Parres
-
Domingu 26 d'agostu Fiestes de La Regalina en Cadavéu
Nel siguiente enllace podéis ver un videu de la Banda de Gaites La Raitana nel Festival de Bandes de Gaites Villa de Candás:
18 xunetu 2007
ACTUACIONES XUNETU. El pasáu sábadu 7 de xunetu La Raitana participó nel desfile del Festival de la Sidra de Nava, y les próximes actuaciones de la banda son:
-
Vienres 27 de xunetu XI Festival de Bandes de Gaites Villa de Candás
-
Sábadu 28 de xunetu Fiestes de La Peruyal en Les Arriondes
22 xunu 2007
PRÓXIMES ACTUACIONES Y SEMEYES DE CAUSSADE. La Raitana actuará esti sábadu 23 de xunu a les 7 y media de la tarde nel desfile de San Xuan de Nava, y el domingu 1 de xunetu a les 12 la mañana nes fiestes de Sevares (Piloña). Axuntamos a la web unes semeyes del últimu viaxe de la banda a la IV Nueche Celta de Caussade (Toulousse-Francia) así como unos artículos d'esta actuación.
Semeyes de la IV Nueche Celta de Caussade (Francia)
8 xunu 2007
SEMEYES, PRENSA Y COMPONENTES. Acabamos de subir a la nuesa páxina web unes cuantes semeyes de la presentación del nuesu últimu discu Moh.ito, así como unos recortes de prensa y un nuevu apartáu colos componentes de la Banda de Gaites La Raitana.
31 mayu 2007
IV NUIT CELTE DE CAUSSADE. Depués de la prestosa presentación del últimu discu de La Raitana Moh.ito, la banda de gaites sigue con una serie d'actuaciones dientro del país, como la clausura de la Selmana de les Lletres Asturianes en Cangues d'Onís el domingu 6 de mayu y el XVI Torneo Internacional «Villa de Xixón» de Rugby el próximu sábadu 2 de xunu.
La Raitana tamién va participar fuera del país na IV Nueche Celta de Caussade (80 km al norte de Toulouse, Francia) el sábadu 9 de xunu. Esta gran fiesta al aire llibre tuvo l'añu pasáu más de 10.000 espectadores. La banda actuará en compañía d'otros grandes grupos como Lunasa, Suroît, Carte blanche à Nicolas Quemener, Inisfree y Paris & District Pipe Band. Nel siguiente enllace podéis ver el programa completu de la nueche celta:
http://www.nuitcelte.com/prog2.htm
27 abril 2007
CONCIERTU PRESENTACIÓN MOH.ITO. La banda de gaites La Raitana va facer el conciertu de presentación del so nuevu discu, Moh.ito, el sábadu 5 de mayu a les 19:30 nel conservatoriu E.M.Torner d’Uviéu. La entrada sedrá gratuita.
Pa esta ocasión especial la banda va contar cola presencia y collaboración de tolos músicos que participaren na grabación.
Esti discu ye’l segundu qu’asoleya la agrupación que comparten los conceyos de Piloña y Nava dende la so formación en 1998, dempués de salir a la venta De La Revuelta a La Marea en 2002, que collechó una aceutación perbona ente públicu y crítica especializada.
20 abril 2007
ENTREVISTA EN RADIO 3. Nel programa Celtiberia de Manuel Luna de Radio 3 van facer una entrevista a Flavio R. Benito direutor de La Raitana, na que fala del nuevu discu de la banda Moh.ito, esti domingu 22 d'abril a les 12 de la mañana.
1 marzu 2007
La Banda de Gaites “La Raitana” presenta’l so nuevu discu, Moh.ito, el sábadu 3 de marzu a les 19:30 nel FNAC de Parque Principado (Siero) y el miércoles 7 de marzu a les 12:00 na sede de la SGAE n’Uviéu.
26 febreru 2007
Nuevu blog de la Banda de Gaites La Raitana, onde podéis atopar más información d'esta agrupación, con 4 temes pa escuchar y varies semeyes.
23 febreru 2007
Artículu sobre La Raitana en Les Noticies.
26 xineru 2007
CANCIONES DE MOH.ITO. Nel apartáu de música ya podéis escuchar 3 canciones del nuevu discu. Esperamos que vos presten, y si queréis escuchar más... ¡mercá-ylu!
20 xineru 2007
MÁS INFORMACIÓN DE MOH.ITO, NUEVU DISCU DE LA BANDA DE GAITES LA RAITANA. Nel apartáu de discografía ya podéis atopar más información del nuevu discu de La Raitana. Prósimamente pondremos alguna canción pa escuchar de Moh.ito.
10 xineru 2007
MOH.ITO, NUEVU DISCU DE LA BANDA DE GAITES LA RAITANA, YÁ A LA VENTA. La Banda de Gaites La Raitana acaba de sacar a la venta Moh.ito, el so segundu trabayu discográficu, compuestu por 11 temes de calter perestremáu. Atopamos nél dende temes tradicionales asturianos a nueves composiciones de destacaos músicos del panorama folk d’anguaño.
Amás de les igües y composiciones de los directores de l’agrupación, Flavio R. Benito y Jordi F. Boltá, puen destacase les de dellos perconocíos músicos como Ramón Prada, Javier Tejedor, Emilio Huerta, Jesús Arévalo, el tristemente fináu Igor Medio y Kepa Junkera.
Esti discu, editáu por Fonoastur, inclúi’l clip La Raitana. Apuntes d’una banda de gaites, realizáu por Ramón Lluis Bande, pequeñu documental sobre la preparación y los ensayos previos a la grabación del discu.
Esti discu asoléyase 4 años más tarde que De La Revuelta a La Marea (Fonoastur 2002), el primer trabayu discográficu de la banda, y vien a amosar una progresión nel camín de la esperimentación con repertorios y xuegos armónicos y de percusión estremaos de los que davezu ufierten les bandes de gaites anguaño n’Asturies.
