MOH.ITO

el segundu discu

Bravo a Flavio, Jordi y los sos músicos por esti nuevu CD de la Banda de Gaites La Raitana, onde la música de gaita preséntase con un aire nuevu, sobre too al amestar otros instrumentos menos tradicionales como los sintetizadores y una sección de metales, averándose d'esta miente al facer de los "bagadou" bretones, que tanto-yos presta esti tipu de mezcles. Algámase asina una dimensión d'escucha más amplia, colo que sedrán a llegar a un públicu más grande que descubrirá esti maravillosu instrumentu que ye la gaita.

Llarga vida a la Banda de Gaites La Raitana, y quedamos a la espera del próximu CD con... ¿a lo meyor, música de Bretaña?

Patrick Molard   

  Gaiteru bretón  

 

 

Esti discu ta dedicáu a la memoria de Jairo García, Ígor Medio y Carlos Redondo. Los tres, tristemente finaos n'accidente de carretera, tienen el nuesu agradecimientu y el nuesu ciñu más fonderu, de corazón.

 
 

          A finales del 2002 La Banda de Gaites La Raitana presentó'l so primer trabayu discográficu "De La Revuelta a La Marea", amosando que tan enfotáos n'andar el camín de la esperimentación con repertorios y xuegos armónicos y de percusión estremaos de los que davezu ufierten les bandes de gaites asturianes. Nesti segundu trabayu qu'asoleyen anguaño, La Raitana fiel a sigo mesma y baxo la dirección de Jordi F. Boltá y Flavio R. Benito, afonden naquel enfotu d'averase a nueves sonoridaes, instrumentación y repertorios. Lo que nun quita pa que sigan teniendo bien presente que faen música asturiana del sieglu XXI partiendo de la nuesa tradición.

Lisardo Lombardía

 
          Amás de les igües y composiciones de los directores de l’agrupación, Flavio R. Benito y Jordi F. Boltá, puen destacase los siguientes músicos:
  • Horacio García (baxu)
  • Ígor Medio (bouzoukis)
  • David Varela (curdión)
  • Baldomero Gutiérrez (saxo)
  • Julio Gómez (trombón)
  • Juan Piedra (trompeta)
  • Samuel Rodríguez (pianu y contrabaxu)
  • Ramón Prada (pianu)
  • Javier Tejedor (caxa)
  • Peter Bulla (vigulín)

 

  • Banda de Gaites Tabladar
  • Percusión de la Banda de Gaites Tabladar: Marcos García (caxa), Eva Alba (timbal), Ricardo del Valle (timbal) y Omar González (bombu)

 

Dirección musical: Jordi F. Boltá & Flavio R. Benito

 

          La producción musical ficiéronla Jordi F. Boltá & Flavio R. Benito. Esti discu grabóse ente los años 2004 y 2006, nos estudios Luna Music en Llugo de Llanera, sacante Gaztelugatxeko Martxa y Muñera Asturiana (grabaes nos estudios Bunker, en Posada de Llanera). Habanera Guajira y Nuberu grabáronse en direutu nel salón d'actos de CajAstur, en Mieres y nel Muséu de la Sidra, en Nava. 
 

          El CD inclúi'l clip: La Raitana, apuntes d'una banda de gaites: pequeñu documental sobre la preparación y los ensayos previos a la grabación del discu. Apuntes tomaos en 2004 por Ramón Lluis Bande, Vera Robert, Juan Luis Ruiz, José Braña y Luis Rivaya. Los escenarios son l'albergue de Pintueles (Piloña), Muséu de la Sidra (Nava) y Salón de CajAstur (Mieres).

Gracies fonderes a la Banda de Gaites Tabladar y a tolos demás músicos qu'andecharon con nós. A Ramón Prada y Javier Tejedor, gracies especiales pola música qu'escribieron y grabaron n'esti discu. A Mari y a Alberto Fernández, por facenos les meyores gaites del mundu.

       Canciones de Moh.ito:
             1. Gaztelugatxeko Martxa - 3'10 (Kepa Junkera / Jordi f. Boltá)
             2. Moh.ito - 5'19 (Tradicional asturiana / Jordi F. Boltá / Flavio R. Benito)
             3. Alboraes & Muñera - 4'20 (Tradicionales asturianes / Flavio R. Benito)
             4. Muñera Asturiana - 3'53 (Tradicional asturiana / Flavio R. Benito)
             5. Ca la Balbina - 5'18 (Jordi F. Boltá)
             6. Polka pa Solis - 3'09 (Flavio R. Benito)
             7. Nuberu - 5'22 (Tradicionales asturianes / Emilio Huerta / Flavio R. Benito)
             8. La jota y el resallu - 3'51 (Tradicionales asturianes / Jesús A. Arévalo / Flavio R. Benito)
             9. Habanera Guajira - 3'17 (Tradicional asturiana / Jordi F. Boltá)
           10. Solu de percusión - 2'07 (Javier Tejedor)
           11. Canción triste - 6'52 (Ramón Prada) A Jairo G. In Memoriam

 
 

 

 

"DE LA REVUELTA A LA MAREA"

 el primer discu

 

 

“Prestaríame da-y les mios felicitaciones a Flavio y a la Banda de Gaites La Raitana al asoleyar esti discu, que non sólo ye a trasmitir una maxa al escuchalu sinón que, tamién, y lo que ye mas importante, ye dalgo de lo que tolos que participaren na so creación puen sentise brétigos. La mio norabona a toos. Gracies abondes por concedeme esti gran honor y pol maravillosu CD”

 

Michel Murphy

(Ganador por dos vegaes del Troféu Macallan de cornamusa escocesa en Lorient y director de la banda irlandesa “Carrigaline Pipe Band”)

 

 

Esti ye’l entamu del primer discu de la Banda de Gaites La Raitana “De la Revuelta a la Marea” nel que Michel Murphy danos les gracies por facer algo distinto a lo que tamos avezaos. El títulu del discu ta relacionau con dos pueblos, unu la Revuelta, nel Conceyu de Nava, y l’otru La Marea, nel de Piloña, que tan xuníos por un camín que dá un montón de vueltes.

El discu ye una forma de presentar la música de les bandes de gaites fuera del modelu habitual, nel que normalmente namás que sentimos les gaites y la percusión, buscando una pluralidá necesaria pa que la música de gaita n’Asturies, amás de seria, siga siendo -como lo foi siempres- desenfadada, sugerente y sobremanera folixera.

Pa ello acompañaronnos guitarres, secciones de metales y teclaos en dellos temes además de otros músicos y dos agrupaciones:

Leonel Duarte (percusiones y batería)

Julio Gómez (trombón)

Javier González (Bombo llingüeru)

Baldomero Gutiérrez (saxofón)

Miguel Herrero (trompeta)

Igor Medio (bouzouqui)

Aitor Miyares (curdión)

Ramón Prada (teclaos)

Lisardo Prieto (vigulín)

Iván Rodríguez (trompeta)

Alfonso Vega (baxu y clarinete)

 

Coral Polifónica Piloñesa (dirixida por Patricia Miriam Martínez)

“Tocándar” Grupo de Percussäo portuguesa (dirixiu por Paulo Tojeira)

 

La producción musical ficiéronla Jordi F. Boltá y el propiu Flavio, les más de les pieces grabáronse en direuto nel muséu de la sidra de Nava nel mes de mayu de 2002 y el restu de pieces nos estudios "La Factoría" de Piedras Blancas, ente los meses de xunetu y ochobre de 2002.

 

  

Fízose la presentación del discu  na sala de Cámara del Auditoriu d’Uviéu en avientu de 2002. Pa la ocasión estrenáronse traxes “de gala”, el de les moces ta copiau de una semeya de principios de siglu XX recoyía en Piloña y el de los mozos de un diseñu basau nos traxes de época.

 

Dar les gracies fonderes a tola xente que fizo posible que La Raitana puediera salir p’alantre y grabar esti discu, especialmente a tola xente que formó parte de ella y que yá nun tán con nos.
 


        Canciones del discu:

             1. La Guía / L´Allegría - 2´54" (Tradicionales asturianes)
             2. Dosibemol - 1´34" (Flavio R. Benito)
             3. Mara - 3´13" (Flavio R. Benito)
             4. Amiestu asturianu - 5´06" (Tradicionales asturianes)
             5. Aguiar 203 - 5´33" (Flavio R. Benito)
             6. Sones de Cangas - 4´01" (Tradicional asturiana)
             7. Mocina dame un besín - 2´51" (Antolín de la Fuente)
             8. Xota de Bual - 3´11" (Tradicional asturiana)
             9. Dime Xilguerín Parleru / Canteros de Covadonga - 4´34" (Tradicional asturiana)
           10. Alborada de Villanueva - 2´05" (Flavio R. Benito)
           11. Añada - 2´09" (Tradicional asturiana)
           12. Celtic - 3´58" (Tradicionales de Breizh, Galicia & Alba / Scotland)
           13. Look for us in Pernambuco / Búscanos en Pernambuco - 4´43" (Flavio R. Benito)