DIRECTORES
                                     

                                                 
     

 

FLAVIO RODRÍGUEZ BENITO

Nació n’Uviéu, Asturies, en 1971. Ye maestru gaiteru acreditáu pol Gobiernu del Principáu d’Asturies dende 1991 y profesor de flauta travesera, diplomáu pel Conservatorio de Música de la Mancomunidá del Valle del Nalón, en 2003.

A lo llargo de los últimos diez años impartió clases en dellos conceyos del país y en Centros Asturianos de tol mundu (Buenos Aires, L’Habana, Lausane, Santiago de Chile, Xinebra o Zaragoza).

Ente los años 1992 y 1997 foi miembru del grupu folk asturianu Llan de Cubel. Participando nes grabaciones de los discos L’otru llau de la mar y Llan de Cubel IV.

Nel añu 2002 presento’l so primer discu en solitariu, Mara (Fonofolk), el Cursu de gaita asturiana en CD-Rom (Ediciones Trabe). Y tamién la primera grabación de La Banda de Gaites La Raitana, de Nava y Piloña, baxo’l títulu De La Revuelta a La Marea (Fonoastur). 

Nel añu 2003 collaboró na grabación de varios discos, ente los que cabe destacar Tocandár, del grupu de percusión portuguesa del mesmu nome, y Revolución Celta del grupu arxentinu Fardaxu. Tamién participó, enxunto colos escritores Berta Piñán y Xuan Bello, nel espectáculo de Música y Poesía sofitáu pola Conseyería de Cultura, na exposición de les llingües de París Expolingua y nel Festival Interceltique de Lorient.

Nel añu 2004 publicó el métodu de gaita asturiana Cien Melodíes (Ediciones Trabe), el discu llibru Cuadernos de Folclore “Homenaje a Manolo del Campo” (Editáu pol Conseyu de Comunidades Asturianes) y participó na grabación del primer DVD de la agrupación portuguesa de percusión Tocandar.

Nel entamu del añu 2005 ta acabante d’espublizar el so trabayu discográficu, La voz del ríu (Fonoastur). Obra íntegramente compuesta sobre la poesía del escritor asturianu Xuan Bello.

Anguaño ye direutor de la Banda de Gaites La Raitana, profesor de la Escuela d’Asturianía, muérganu dependiente del Conseyu de Comunidades Asturianes, y profesor de gaita y direutor de la Escuela Municipal de Música de Nava.

 

      
           
           
           
           
           
                                                 
     

 

JORDI FERNÁNDEZ BOLTÁ

Nació n’Uviéu, Asturies, en 1979. Entamó los sos estudios de gaita con Flavio R. Benito y de tambor con Javier Tejedor. Tien el Títulu profesional de flauta travesera, otorgáu pol Conservatoriu profesional de música d’Uviéu l’añu 2006, y ye diplomáu en Maxisteriu, especialidá d’Educación Musical, pola Universidá d’Uviéu dende l’añu 2000. Nel añu 2006 foi seleccionáu pola Conseyería d’Educación y Ciencia del Principáu d’Asturies como Profesor especialista pa impartir les asignatures de Gaita y Conxuntu nos conservatorios profesionales asturianos.

Imparte clases de gaita como profesor titular nes Escueles Municipales de Música de Piloña (dende l’añu 2001) y de Nava (dende l’añu 2007) tras exercer, dende 1997, como profesor ayudante nestes mesmes escueles y como profesor titular nel Aula de Música Tradicional de Cangas del Narcea durante el cursu 1999-2000.

Entre los años 1997 y 2001 foi miembru del grupu folk Cuerria col que grabó’l discu Al Bellume la Biesca (Fonoastur, 1999). Con esti grupu, amás, participó nos discos Nel cantu la memoria. 15 años de Fonoastur (Fonoastur, 2002) y L’Asturianu vive, la llucha sigue (L’Aguañaz, 2002). 

Ye miembru de la Banda de Gaites La Raitana dende la so fundación en 1998 onde desempeña la llabor de co-direutor y productor musical. Con esta banda graba los discos De la Revuelta a la Marea (Fonoastur, 2002) y Moh.ito (Fonoastur, 2006).

Nel añu 2003, gana’l premiu a la meyor composición pa gaita cola obra Ca La Balbina nel I Concursu de composición “Villa de la sidra”, celebráu en Nava (Asturies). Nesti mesmu añu collabora na grabación de la banda sonora, compuesta por Flavio R. Benito pa la obra d’Alejandro Casona “La Dama del Alba”, qu’afaya’l Premiu Asturies de Teatru, otorgáu pol Gobierno del Principáu d’Asturies. Asinamesmo, participa na grabación del CD Tocándar del grupu de percusión portuguesa Tocándar y na edición del métodu de gaita asturiana Cien melodíes de Flavio R. Benito (Trabe).

Nel añu 2004 collabora na grabación del CD incluyíu nel discu-llibru Cuadernos de Folclore “Homenaje a Manolo del Campo” (Conseyu de Comunidaes Asturianes) y na grabación del DVD Tocándar. Tamién collabora ocasionalmente como percusionista col grupu folk La Bandina.

Nel añu 2005 participa na grabación del discu De Romandela (Fonoastur) del grupu La Bandina  y na del discu  Ao vivo, del grupu Tocándar.

Nel añu 2006 collabora como gaiteru nos direutos del grupu folk Xera.

 

Como complementu a la so formación musical participó nos siguientes cursos:

  • “Oríxenes, categoríes, conteníos, temática y estructura de la interpretación del folclor musical asturianu”, impartíu por Fernando de la Puente Hevia na E.M.M. de Llanera. (2001).

 

  • “Cursu de Jazz (improvisación y Big Band)”, impartíu por Andreas Prittwitz na escuela de música Llaviana. (2002)

 

  • “Nueves tendencies na música tradicional”, impartíu por Kepa Junkera, Ibon Koterón e Iñaki Plaza en BilbaoMusika. (2004)

 

  • “X Talleres d’improvisación” , impartíos por Carlos Carlí, Joaquín Chacón, Joshua Kuhl, Pablo Martín, Félix Morales, Polo Ortí, Andy Phillips, Andreas Prittwitz, Bob Sands y Matthew Simon na Fundación municipal de cultura, educación y universidad popular del Ayuntamientu de Xixón (2005).

 

  • “IV Cursu La voz na música de cámara”, equivalente a 4 créditos, organizáu  pola  Asociación  Cultural “La Castalia” y pol Conservatorio profesional de música d’Uviéu (2005).

 

  • “Máster de reparación d’instrumentos de vientu-madera”, impartiu nel Conservatorio profesional de música d’ Uviéu (Xunu 2006).

 

  • “XI Talleres d’improvisación”, impartíos por Bob Sands, Matthew Simon y John Dubuclet  na Fundación municipal de cultura, educación y universidá popular del Ayuntamientu de Xixón (Xunetu 2006).

 

  • “Cursu avanzáu de Llingua Asturiana” (6 créditos de llibre configuración), integráu nos cursos d’estensión universitaria de la Universidad d’Uviéu, impartíu pola Academia de la Llingua Asturiana en Santantolín d’Ibias (Agostu 2006).